16 ноября 2016 г.
Ноябрĕн 11-мĕшĕнче Туканаш ялĕнче пушар тухнă. Вут-çулăм кил хуçин мунчине кĕллентернĕ.
Куратăр ĕнтĕ, вут-çулăм никама та шеллемест, çавăнпа та пушар хăруш-сăрлăхĕн правилисене пăхăнмалла. Çанталăк сивĕ тăнă май мунчасене вĕрирех тума тăрăшатпăр. Ăшши лайăх, анчах вут хутнă кăмакасене пăхсах, вĕсен юсавлăхне тĕрĕслесех тăмалла. Çитменлĕхсене те çийĕнчех пĕтерме тăрăшмалла. Вут-кăвара пула чул та çунать, ĕмĕр тăршшĕпе пухнă пурлăх та çĕрпе танлашать. Инкек куçран пăхса килмест, çавăнпа та хутнă кăмакана тимлĕхсĕр ан хăварăр.
Пушар тухнине асăрхарăр пулсан ним тăхтамасăр 01, 010, 112 телефон номерĕсемпе шăнкăравлăр. Пушара çĕнтернинчен асăрхаттарма çăмăлрах.
А.ЯРАБАЕВ, районти пушар асăрхавĕн патшалăх инспекторĕ.
Источник: "Пирěн пурнăç"