27 января 2017 г.
Кирек мĕнле инкек те куçа курăнса килмест. Унтан хамăрăн сыхланмалла, асăрханмалла, япалана вăхăтра юсамалла. Унсăрăн тем те курса тăрăн... Ĕнер Пăлапуç Пашьелсем çемьери икĕ çынпа ĕмĕрлĕ-хех сыв пуллашнă. Çывăх вăхăтра тăхăрвунă çул тултаракан амăшĕпе ăна пăхса пурăнакан ывăлĕ пỹрте тухса тăнă газ сĕрĕмĕпе сиенленсе вилсех кайнă. Çак ĕçпе тимлекен следстви комитечĕн следователĕсем çирĕплетнĕ тăрăх, "кăвак çулăмăн" çулне çыхăнтаракан гофра труба тухса кайнă-мĕн... Сĕрĕм вара тухнă та тухнă... Юрать-ха, почтальонка пенси укçине парас тĕллевпе килнех кĕнĕ. Анчах шел, васкавлă пулăшу чĕнни те усси пулман. Иккĕшĕн те чĕри тапма чарăннă.
Хисеплĕ хаçат вулаканĕсем! Урамра шартлама сивĕ кунсем тăраççĕ. Енчен эсир хăвăрăн килте газ шăршĕ тухнине туйсан, тỹрех ятарлă службăна "04" телефонпа шăнкăравласа ярăр.
Источник: "Авангард" (газета Батыревского района)