25 апреля 2017 г.
Вут-çулăмран хĕмленекен инкеке парăнтарма мар, унтан асăрханма ансатрах. Çавна май уйрăм хуçалăхсенче çеç мар, тĕрлĕрен организаци-учрежденисенче, ваттисен çуртчĕсенче, шкулсемпе ача сачĕсенче тата ытти кантурсенче те пушар хăрушсăрлăх йĕркисене çирĕп пăхăнмалла.
Районти пушар надзорĕн сотрудникĕсемпе ВДПО ĕçченĕсем район халăхĕпе вут-кăвартан асăрханмалли пирки тĕл пулусенче час-часах калаçу пуçараççĕ, çак тĕллевпе ятарлă рейдсем йĕркелеççĕ. Çулталăк пуçланнăранпа "01" служба сотрудникĕсем 520 çемьере пулса вут-кăвартан сыхă пулмалли йĕркесемпе паллаштарнă, 1285 çынна инструктажсем панă.
Апрелĕн 24 _ майăн 26-мĕшĕсенче районти вĕрентỹ учрежденийĕсенче пушар хăрушсăрлăх йĕркине мĕнле пăхăннине, инкек-синкек тухсан чи кĕске вăхăтра эвакуациленме пултарнине тĕрĕслемелли ятарлă уйăхлăх пулать. Вĕрентỹ тапхăрĕн- че асăннă служба сотрудникĕсем 28 объекта çитме планланă.
А. НИКОЛАЕВА
Источник: "Авангард" (газета Батыревского района)