28 апреля 2017 г.
Вăрă вăрлать те хăварать, вутран нимĕн те юлмасть, теççĕ. Инкек-синкекрен сыхланас тата çанталăк ăшăтнă май вăрмансенче "хĕрлĕ автан" тухас хăрушлăх пысăккине шута илсе тата çынсене асăрхаттарас тĕллевпе районти пушар надзорĕн сотрудникĕсем Пăлапуç Пашьел ял территоринче рейд ирттернĕ. Халăхпа районти пушар надзорĕн начальникĕ А. Тукмаков, А. Симуков аслă инспектор, ял тăрăх специалисчĕсем тĕл пулнă. Çулăм асăрхасанах 01,101, 112 телефон номерĕсемпе шăнкăравламаллине аса илтернĕ.
Сăмах май, паян пушар хуралĕн ĕçченĕсем хăйсен професси уявне паллă тăваççĕ. Çак ятпа вĕсене район пуçлăхĕ Михаил Петров, район администраци пуçлăхĕ Рудольф Селиванов ăшшăн саламлаççĕ, ĕçре ăнăçупа çитĕнỹ, çирĕп сывлăх, вăрăм ĕмĕр, çемьере килĕшỹ сунаççĕ.
Источник: "Авангард" (газета Батыревского района)