18 декабря 2018 г.
Пăшăрхануллă статистикăпа район администрацийĕнче эрнесерен иртекен канашлу вăхăтĕнче пушар хуралĕн Красноармейски тата Çĕрпỹ районĕсенчи аслă инспекторĕ Максим Кожаков паллаштарчĕ. Вăл палăртнă тăрăх, çулталăк пуçламăшĕнчен пĕтĕмпе Трак тăрăхĕнче 14 пушар тухнă, (пĕлтĕрхипе танлаштарсан — пĕрре сахалрах). Вĕсенчен улттăшĕ — юлашки уйăх хушшинче. Палăртнă инкек ытларах пурăнакансем хăрушсăрлăх правилисене пăхăнманнипе пулса тухнине пĕлтернĕ. Тĕслĕхрен, çутă пралукне татса янă çуртсенче хăй тĕллĕн çыхăнтарса усă курнипе пушар тухни е газ плитине сỹнтерме маннă пирки. Максим Юрьевич çитес уяв кунĕсенче тимлĕ пулмаллине, ачасене хăрушсăрлăх правилисене аса илтермеллине палăртрĕ. Çĕнĕ çула хатĕрленсе ятарлă пиротехникăпа тимлĕрех усă курмаллине каларĕ. М. Евграфова.
Источник: "Ял пурнăçĕ" (Красноармейская районная газета)